SY: Finger Shopping就係手指指點你想要的

未到母親節,我已經同阿媽一齊揀禮物!第一次網上購物的阿媽,對於Finger Shopping 售賣的產品好似有無限的吸引力,佢就叫佢的槍手(即係我)幫佢逐個逐個Click 下睇有咩啱洗! 到左揀精巧家電的時候,佢就碌大對精明眼,逐件電器研究。

先介紹下Finger Shopping呢個網,佢中文名叫做指點,係一站式網購平台,有超過100間商店進駐,提供不同種類Health & Beauty 及life-style商品,包括美容健康商品(包括人氣品牌、韓國大熱美容用品、優質有機天然護膚品)、品味設計家品等等!場內亦有設計師商品,例如Din Dong, b.wing,Mandy Cat 等等。

以前我阿媽聽我話在網上購物,佢都會話唔安全,有風險,整日都在我耳邊哦叫我不好網上購物。宜加我同佢講可以貨到付款,並且去OK便利店攞貨。如果覺得唔啱心水,客人係有7天購物退換期的。聽完我的講後,阿媽先至唔再哦我!

我4月29日訂貨,5月2號已經有貨攞,好快啊!

Parcel

Products

以上就係我訂的貨, 一共四件:

1. gloMinerals 輕柔透亮蜜粉 – Natural Medium (HKD 232.5)

2. Smart Shop 的”Steam Jet” 雙電壓蒸氣熨斗 (HKD 148) (阿媽指定)

3. Smart Shop 的”ECO-DRY”環保抽濕盒 (x 2件) (HKD 88 x 2pcs) (阿媽指定)

埋單共HKD556.5,但係屬於我的產品就只有gloMinerals的蜜粉。

gloMinerals 來至美國,係少數化妝品牌強調都敏感肌都適用的化妝品。化妝產品含多種維生素,具有護膚功能又不易過敏,所有色料皆是來自於氧化鐵等礦物質原料萃取,不含化學染料、滑石粉、油脂等填充料和結合劑,不含人工色素及防腐劑。佢的特殊配方及自然礦物質粉末,蓋斑效果極佳,即使在接受雷射、換膚等手術後,亦可用礦物質彩妝遮蓋紅斑,更可抵抗紫外線的傷害。呢類的礦物化妝品,將對皮膚傷害程度減至最低,甚至可以對抗自由基,我緊係鍾意啦!有啲產品係長期使用,你的身體及皮膚吸收在幾多無形的有害物質,自己都唔知。所以,我寧願買質量好及有信譽的產品,最多我省住用囉!

LoosePowder

我先用左CC cream 打底,然後上Loose Powder,睇得出我邊一邊面上左粉嗎?(答案係:大家直望的左手面)

Collage 2014-05-04 15_55_25

另外的阿媽新寵,”Steam Jet” 雙電壓蒸氣熨斗 ,有垂直噴射式蒸氣的功能,佢覺得應該唔使燙衫板都可以燙到我的襯衫。等佢試完,再話俾大家知效果。

iron

阿媽新寵兩號,環保抽濕盒。佢細細件,可以隨時移動至唔同地方。不過,我由今朝12點開始叉電烘乾啲吸濕珠珠,到截稿約晚上9點左右,已經叉左9個鐘佢盞燈都係紅色,盞燈要轉藍色先乾(才可以吸濕)。我會等多2個鐘,如果都未轉燈,我諗我要行使果7日的退貨期了!

Mini-dehumidifier

Collage 2014-05-04 13_18_02

產品講左喇,宜加係時候講下在呢個平台購物體驗。

揀左自己心水產品,按付款Icon。FS 系統會提你登記成為會員先,然後當你填完所需資料,申請成為會員後,你就可以到付款版面。

product

login

Register

去到付款版面,我哋首先揀店取或者到點送貨。店取即係在OK便利店取貨,免運費。到點送貨就需要運費的,但可以揀時段收貨,夜晚時段如18:00-21:00都可以送貨。

小女住在大圍區,大圍區都有成4間的,超方便!

deliverMethod

PickUpDate

跟住就係揀幾時攞貨。例如我4月29日落單,Finger Shopping 需要兩日的包裝及運輸。之後,我可以揀5月2日至5月7日的其中一日去OK便利店攞貨。過左攞貨時間,所訂旳貨就有可能運返大倉架!如果你有電子現金券,如新會員優惠(登記新會員即送$50電子現金券,於Finger Shopping購物滿$200即可使用!),記得輸入系統,即時做現金扣減。

Promotional Coupon

最後就付款方法:

~ 於OK便利店提貨,可以選擇提貨時才付款! 可以現金、易辦事、八達通或Visa Paywave付款!

~ 網上付款可使用Visa/Master信用卡!

一句到尾,非常方便可靠! 我期望有再多的Fashion產品,咁我就可以連出街買衫買鞋的時間都節省埋!

 

 

發表迴響